هريسة الحلبى موجودة من زمان علشان تكون سبب سعادة كل الاسكندرانية بأحلى حتة هريسة فى الدنيا. بدأنا فى 1909، يعنى من قرن و اكتر. و كانت البداية هى الهريسة السادة . و بعد فترة ضفنا على الهريسة اختراع! حتة القشطة اللى اول لما تحطها على وش الهريسة السخنة تدوب جواها و تخلى طعمها أجمل حكاية.

كل اللى كان بيعدى على محطة الرمل كان لازم يدوق من حلاوة الهريسة. زودنا على الهريسة المكسرات و عجبت كل زباينا.

و على مر الازمنة بدأنا نزود فى الاصناف، لحد ما بقى عندنا أكتر من 50 صنف، من كنافة لبقلاوة لحلويات شرقية لأحلى كحك فى اسكندرية و ضفنا كمان انواع كيك مميزة!

و وصلنا ل 6 فروع موجودة فى كل مكان فى اسكندرية. و أكيد لسه مكملين علشان نحلى كل أيامكم و نكون معاكم فى مناسباتكم السعيدة و فروعنا تكون أقرب ليكم فى كل مكان.....